Percy's Reliques, 1765, II, 172.
| 1 |
About Yule, when the wind blew cule,
And the round tables began,
A there is cum to our king's court
Mony a well-favourd man. |
| 2 |
The queen luikt owre the castle-wa,
Beheld baith dale and down,
And then she saw Young Waters
Cum riding to the town. |
| 3 |
His footmen they did rin before,
His horsemen rade behind;
Ane mantel of the burning gowd
Did keip him frae the wind. |
| 4 |
Gowden-graithd his horse before,
And siller-shod behind;
The horse Young Waters rade upon
Was fleeter than the wind. |
| 5 |
Out then spake a wylie lord,
Unto the queen said he,
'O tell me wha's the fairest face
Rides in the company?' |
| 6 |
'I've sene lord, and I've sene laird,
And knights of high degree,
But a fairer face than Young Waters
Mine eyne did never see.' |
| 7 |
Out then spack the jealous king,
And an angry man was he:
'O if he had been twice as fair,
You micht have excepted me.' |
| 8 |
'You're neither laird nor lord,' she says,
'Bot the king that wears the crown;
There is not a knight in fair Scotland
But to thee maun bow down.' |
| 9 |
For a' that she could do or say,
Appeasd he wad nae bee,
Bot for the words which she had said,
Young Waters he maun dee. |
| 10 |
They hae taen Young Waters,
And put fetters to his feet;
They hae taen Young Waters,
And thrown him in dungeon deep. |
| 11 |
'Aft I have ridden thro Stirling town
In the wind bot and the weit;
Bot I neir rade thro Stirling town
Wi fetters at my feet. |
| 12 |
t have I ridden thro Stirling town
In the wind bot and the rain;
Bot I neir rade thro Stirling town
Neir to return again.' |
| 13 |
They hae taen to the heiding-hill
His young son in his craddle,
And they hae taen to the heiding-hill
His horse bot and his saddle. |
| 14 |
They hae taen to the heiding-hill
His lady fair to see,
And for the words the queen had spoke
Young Waters he did dee. |
