Motherwell's Manuscript, p. 238. From the recitation of Miss
Maxwell, of Brediland.
| 1 |
'O whare hae ye been a' day, my bonnie wee croodlin dow?
O whare hae ye been a' day, my bonnie wee croodlin dow?'
'I've been at my step-mother's; oh mak my bed, mammie, now!
I've been at my step-mother's; oh mak my bed, mammie, now!' |
| 2 |
'O what did ye get at your step-mother's, my bonnie wee croodlin dow?' [Twice.]
'I gat a wee wee fishie; oh mak my bed, mammie, now!' [Twice.] |
| 3 |
'O whare gat she the wee fishie, my bonnie wee croodlin dow?'
'In a dub before the door; oh mak my bed, mammie, now!' |
| 4 |
'What did ye wi the wee fishie, my bonnie wee croodlin dow?'
'I boild it in a wee pannie; oh mak my bed, mammy, now!' |
| 5 |
'Wha gied ye the banes o the fishie till, my bonnie wee croodlin dow?'
'I gied them till a wee doggie; oh mak my bed, mammie, now!' |
| 6 |
'O whare is the little wee doggie, my bonnie wee croodlin dow?
O whare is the little wee doggie, my bonnie wee croodlin doo?'
'It shot out its fit and died, and sae maun I do too;
Oh mak my bed, mammy, now, now, oh mak my bed, mammy, now!' |
