P. 352. B as it stands in "The Old Lady's Collection,"
No 3, 'The Rantan Laddy.'
| 1 |
'Aft have I played att the cards an the dice,
They wer so very entisen,
But this is a sad an a sorofull seat,
To see my apron riseng. |
| 2 |
'Aft ha I plad att the cards an the dice,
For love of my laddy,
Bat nou I man sitt in my father's kittche-nouk,
An roke my baby. |
| 3 |
'Bat gin I had an of my father's servens,
For he has so mony,
That wad gaa to the woods of Glentaner
We a letter to the ranten laddy!' |
| 4 |
'Hear am I, an of your father's servants,
For he has so many,
That will gaa to the woods of Glentaner
We a letter to the ranten laddy.' |
| 5 |
'Fan ye gee to Aboyn,
To the woods of Glentaner sie bonny,
We yer hat in yer hand, gee a bou to the grond,
In the presenc[e] of the ranten laddy.' |
| 6 |
Fan he gad to Aboyn,
To the woods of Glentaner saae bonny,
We his hat in his han, he gied a bou to the grond,
In the preasence of the ranten laddy. |
| 7 |
Fan he louked the letter on,
Saa loud as he was laughing;
Bat or he read it to an end
The tears they came doun raping. |
| 8 |
'O faa is this, or faa is that,
Has ben so ill to my Meggie?
. . .
. . . |
| 9 |
'Bat ye gett four-an-tuinty milk- whit steads,
We an E an O me!
An as monny gay ladys to ride them on,
To gaa an bring hame my Meggie. |
| 10 |
'Ye gett four-an-tuinty berrie-broun steeds,
We an E an O an O me!
An as mony knights to ride them one,
To gaa an bring hame my Meggie.' |
| 11 |
Ye lasses a', war ever ye be,
An ye match we ony of our Deesid ladds,
Ye'll happy be, ye'll happy be,
For they ar frank an kin. |
| 12 |
The 'r frank an kin
The 'r free,
An ye match we ony of our Deesid ladds,
Ye'll happy be. |
