P. 255. Communicated by Mr. Walker, of Aberdeen, as procured
October 5, 1891, from George Nutchell, Ground Officer at Edzell
Castle, who derived it from his step-grandmother Mrs. Lamond
(Nelly Low), fifty-eight years ago, she being at the time eighty
years old.
| 1 |
'Will ye gang to the Highlands, Lizzie Lindsay?
Will ye gang to the Highlands wi me?
Will ye gang to the Highlands, Lizzie Lindsay,
My bride an my darling to be?' |
| 2 |
She turned her round on her heel,
And a very loud laugh gaed she:
'I'd like to ken whaur I'm ganging,
An wha I am gaun to gang wi.' |
| 3 |
'My name is Donald Macdonald,
I'll never think shame nor deny;
My father he is an old shepherd,
My mither she is an old dey. |
| 4 |
'Will ye gang to the Highlands, bonnie Lizzie?
Will ye gang to the Highlands wi me?
For ye shall get a bed o green rashes,
A pillow an a covering o grey.' |
| 5 |
Upraise then the bonny young lady,
An drew till her stockings an sheen,
An packd up her claise in fine bundles,
An away wi young Donald she's gaen. |
| 6 |
When they cam near the end o their journey,
To the house o his father's milk-dey,
He said, Stay still there, Lizzie Lindsay,
Till I tell my mither o thee. |
| 7 |
'Now mak us a supper, dear mither,
The best o yer curds an green whey,
An mak up a bed o green rashes,
A pillow an covering o grey. |
| 8 |
'Rise up, rise up, Lizzie Lindsay,
Ye have lain oer lang i the day;
Ye should hae been helping my mither
To milk her ewes an her kye.' |
| 9 |
Out then spak the bonnie young lady,
As the saut tears drapt frae her ee,
'I wish I had bidden at hame;
I can neither milk ewes or kye.' |
| 10 |
'Rise up, rise up, Lizzie Lindsay,
There is mair ferlies to spy;
For yonder's the castle o Kingussie,
An it stands high an dry.' |
| 11 |
'Ye are welcome here, Lizzie Lindsay,
The flower o all your kin,
For ye shall be lady o Kingussie,
An ye shall get Donald my son.' |
