P. 456. Buchan's original Manuscript p. 216 ff., 'The
Laird o Logie.'
| 1 |
Lady Margaret carries the keys o the cellar,
I wyte she carries them carefullie;
Nae other ane her favour coud gain
But the winsome laird o young Logie. |
| 2 |
When the king gat word o that,
I wat an angry man was he;
He's casten him into prison strong,
And sware high hanged he shoud be. |
| 3 |
Lady Margaret tore her yellow hair,
She's torn it out locks three by three;
Says, 'Wae to the day I eer was born,
Or knew the young laird o Logie.' |
| 4 |
'Now hold your tongue,' the queen she said,
'And ye'll let a' your folly be;
I hae minded me on a wyle
Will gain the life o young Logie.' |
| 5 |
Then she has done her up the stairs,
And she fell low down on her knee;
'Win up, win up, my dame the queen,
What makes ye bow sae low to me?' |
| 6 |
'O do you mind when we were wed,
Ye promisd askings three by three?
And a' the boun that I now crave
Is, Save the life o young Logie. |
| 7 |
'If ye had asked lands, my dame,
Ye might had askings three by three;
But a' the lands in fair Scotland
Winna save the life o young Logie.' |
| 8 |
Then she has done her down the stairs,
But nae gude tidings brought her wi;
The king has sworn a solemn oath,
And broken it can never be. |
| 9 |
'Hold your tongue, Margaret,' said the queen,
And ye'll lat a' your folly be;
I'll mind me on another wyle
To gain the life o young Logie.' |
| 10 |
She's counterfeit the king's hand write,
And she has stole his right glove tee;
And sent the jailors strict command
To loose and set young Logie free. |
| 11 |
She sent him a bag o gude red gowd,
Another bag o white monie;
Likewise a pistol by his side,
And bade him shoot when he wan free. |
| 12 |
As he passd by the queen's window,
He fell low down upon his knee;
Says, Peace be wi the queen hersell,
And joy be in her companie.' |
| 13 |
As he passd by the king's window,
There a proud volley then gae he;
Says, ' Hang your dogs when ye think time,
For ye'se neer hang him, young Logie.' |
| 14 |
Out then speaks the king himsell,
I wyte a solemn oath sware he;
'I'll wad my head an my crown baith,
I hear the voice o young Logie.' |
| 15 |
The king he calld his jailors all,
He called them then three by three;
Says, ' How are the prisoners ane and a'?
Where is the laird o young Logie?' |
| 16 |
'Did you not send your ain hand write?
Did you not send your right glove tee?
We took the keys o the jail-house door,
And loosd and set young Logie free.' |
| 17 |
Then out it speaks the king again,
I wyte an angry man was he;
'The morn, before I eat or drink,
High hanged shall you jailors be.' |
| 18 |
Then out it speaks the queen hersell,
I wyte a light laugh then gae she;
'If ye're to hang them ane and a',
I fear ye will begin wi me. |
| 19 |
'Did I not steal your ain hand write?
Did I not steal your right glove tee?
Then sent the jailors strict command
To loose an' set young Logie free.' |
