Campbell Manuscripts, II, 58.
| 1 |
Rob Roy is frae the Highlands come
Unto the Scottish border,
And he has stolen a lady gay,
To keep his house in order. |
| 2 |
He and his crew surrounded the house;
No tidings came before him,
Or else I'm sure she wad been gone,
For she did still abhore him. |
| 3 |
He drew her thro amang his crew,
She holding by her mother;
With watery eyes and mournfu cries
They parted from each other. |
| 4 |
He's set her on a milk-white steed,
Himself jumped on behind her,
And he's awa to the Highland hills,
And her friends they couldna find her. |
| 5 |
'O be content, be content,
O be content and stay, lady,
And never think of going back
Until your dying day, lady.' |
| 6 |
As they went over hills and dales,
This lady oftimes fainted;
Cries, Wae be to that cursed money
This road to me invented! |
| 7 |
'O dinna think, O dinna think,
O dinna think to ly, lady;
O think na ye yersell weel matchd
On sic a lad as me, lady? |
| 8 |
'What think ye o my coal-black hair,
But and my twinkling een, lady,
A little bonnet on my head,
And cocket up aboon, lady? |
| 9 |
'O dinna think, O dinna think,
O dinna think to ly, lady;
O think nae ye yersell weel matchd
On sic a lad as me, lady? |
| 10 |
'Rob Roy was my father calld,
But Gregory was his name, lady;
There was neither duke nor lord
Could eer succeed his fame, lady. |
| 11 |
'O may not I, may not I,
May not I succeed, lady?
My old father did so design;
O now but he is dead, lady. |
| 12 |
'My father was a hedge about his friends,
A heckle to his foes, lady,
And every one that did him wrang,
He hit them oer the nose, lady. |
| 13 |
'I['m] as bold, I['m] as bold,
I['m] as bold, and more, lady,
And every one that does me wrong
Shall feel my good claymore, lady. |
| 14 |
'You need not fear our country cheer,
Ye'se hae good entertain, lady;
For ye shall hae a feather-bed,
Both lang and broad and green, lady. |
| 15 |
'Come, be content, come, be content,
Come, be content and stay, lady,
And never think of going back
Until yer dying day, lady.' |
| 16 |
Twa held her up before the priest,
Four laid her in her bed,
And sae mournfully she weeping cry'd
When she by him was laid! |
| 17 |
'Come, dinna think, come dinna think,
Come, dinna think to ly, lady;
You'll surely think yersell weel matchd
On sic a lad as me, lady. |
| 18 |
'Come, be content, come, be content,
Come, be content and stay, lady,
And never think of going back
Until your dying day, lady.' |
