Skene Manuscripts, p. 75, North of Scotland, 1802-03.
| 1 |
Lanckin was as guid a mason
as ever did use stane;
He biggit Lord Murray's house,
an payment neer got nane. |
| 2 |
It fell ance on a day
Lord Murray went frae hame,
An Lankin came to the fause nourice,
. . . . .
* * * * * |
| 3 |
'O still my bairn, nourice,
still him wi the knife:'
'He winna still, lady,
Tho I should lay down my life.' |
| 4 |
'O still my bairn, nurice,
still him wi the bell:'
'He winna still, lady,
till ye come down yersel.' |
| 5 |
The first [step she steppit],
she came on the marble stane;
The next step [she steppit],
she met him Lankin. |
| 6 |
'O spare my life, Lankin,
an I'll gie ye a peck o goud;
An that dinna please ye,
I'll heap it wi my hand.' |
| 7 |
'O will I kill the lady, nurice,
or will I lat her be?'
'O kill her, Lankin,
she was never guid to me.' |
| 8 |
'O wanted ye yer meat, nurice?
or wanted ye yer fee?
Or wanted ye the othir bounties
ladys are wont to gie?' |
| 9 |
. . . . .
. . . . .
'O kill her, Lankin,
she was never guid to me.' |
| 10 |
'Gae wash a bason, nurice,
an ye wash it clean,
To cape this ladie's blood;
she is come o high kine.' |
| 11 |
'I winna wash a bason,
nor will I wash it clean,
To cape this ladie's blood,
tho she's come o high kine.'
* * * * * |
| 12 |
Bonny sang yon bird,
as he sat upon the tree,
But sare grat Lankin.
for he was hangit hie. |
| 13 |
Bonny sang the bird,
that sat upon the hill,
But sare grat the nurice,
whan the caudron gan to boil. |
| 14 |
. . . . .
Lankin was hangit hie,
And the fause nourice burnt
in the caudron was she. |
