Kinloch's Manuscripts, III, 139,
in the handwriting of John Hill Burton.
| 1 |
Glenkinnie was as good a harper
As ever harpet tone;
He harpet fish out o the sea-flood,
And water out of a dry loan,
And milk out o the maiden's breast
That bairn had never neen. |
| 2 |
He harpit i the king's palace,
He harpit them a' asleep,
Unless it were Burd Bell alone,
And she stud on her feet. |
| 3 |
'Ye will do ye home, Glenkinnie,
And ye will take a sleep,
And ye will come to my bower-door
Before the cock's crowing.' |
| 4 |
He's taen out his milk-white steed,
And fast away rode he,
Till he came to his ain castle,
Where gold glanced never so hie. |
| 5 |
'Might I tell ye, Jeck, my man,
Gin I had slain a man?'
'Deed might [ye], my good master,
Altho ye had slain ten.' |
| 6 |
'I've faun in love wi a gay ladie,
She's daughter to the Queen,
And I maun be at her bower-door
Before the cock's crowing.' |
| 7 |
He's taen out his master's steed,
And fast awa rode he,
Until he cam to Burd Bell's door,
Where gold glanced never so hie. |
| 8 |
When he came to Burd Bell's door,
He tirled at the pin,
And up she rose, away she goes,
To let Glenkinnie in. |
| 9 |
. . . . .
. . . . .
. . . . .
That I combed out yestreen.
* * * * * |
| 10 |
She looked out at a shot-window,
Atween her and the meen:
'There is twa lovers beguiled the night,
And I fear I am ane. |
| 11 |
'Ye shall na hae to say, Glenkindie,
When you sit at the wine,
That once you loved a queen's daughter,
And she was your footman's quean.'
* * * * * |
