| 1 |
'O Willie my son, what makes you sae sad?'
As the sun shines over the valley
'I lye sarely sick for the love of a maid.'
Amang the blue flowers and the yellow |
| 2 |
'Were she an heiress or lady sae free,
As the sun shines over the valley
That she will take no pity on thee?
Amang the blue flowers and the yellow |
| 3 |
'O Willie, my son, I'll learn you a wile,
As the sun shines over the valley
How this fair maid ye may beguile.
Amang the blue flowers and the yellow |
| 4 |
'Ye'll gie the principal bellman a groat,
As the sun shines over the valley
And ye'll gar him cry your dead lyke-wake.'
Amang the blue flowers and the yellow |
| 5 |
Then he gae the principal bellman a groat,
As the sun shines over the valley
He bade him cry his dead lyke-wake.
Amang the blue flowers and the yellow |
| 6 |
This maiden she stood till she heard it a',
As the sun shines over the valley
And down frae her cheeks the tears did fa.
Amang the blue flowers and the yellow |
| 7 |
She is hame to her father's ain bower:
As the sun shines over the valley
'I'll gang to yon lyke-wake ae single hour.'
Amang the blue flowers and the yellow |
| 8 |
'Ye must take with you your ain brither John;
As the sun shines over the valley
It's not meet for maidens to venture alone.'
Amang the blue flowers and the yellow |
| 9 |
'I'll not take with me my brither John,
As the sun shines over the valley
But I'll gang along, myself all alone.'
Amang the blue flowers and the yellow |
| 10 |
When she came to young Willie's yate,
As the sun shines over the valley
His seven brithers were standing thereat.
Amang the blue flowers and the yellow |
| 11 |
Then they did conduct her into the ha,
As the sun shines over the valley
Amang the weepers and merry mourners a'.
Amang the blue flowers and the yellow |
| 12 |
When she lifted up the covering sae red,
As the sun shines over the valley
With melancholy countenance to look on the dead,
Amang the blue flowers and the yellow |
| 13 |
He's taen her in his arms, laid her gainst the wa,
As the sun shines over the valley
Says, 'Lye ye here, fair maid, till day.'
Amang the blue flowers and the yellow |
| 14 |
'O spare me, O spare me, but this single night,
As the sun shines over the valley
And let me gang hame a maiden sae bright.'
Amang the blue flowers and the yellow |
| 15 |
'Tho all your kin were about your bower,
As the sun shines over the valley
Ye shall not be a maiden ae single hour.
Amang the blue flowers and the yellow |
| 16 |
'Fair maid, ye came here without a convoy,
As the sun shines over the valley
But ye shall return wi a horse and a boy.
Amang the blue flowers and the yellow |
| 17 |
'Ye came here a maiden sae mild,
As the sun shines over the valley
But ye shall gae hame a wedded wife with child.'
Amang the blue flowers and the yellow |
