Smith's Scottish Minstrel, iv, 33, 2d ed.
| 1 |
A lady lookd out at a castle wa,
Fine flowers in the valley
She saw twa bonnie babes playing at the ba.
And the green leaves they grow rarely |
| 2 |
'O my bonnie babes, an ye were mine,
Fine flowers in the valley
I would cleed ye i the scarlet sae fine.
And the green leaves they grow rarely |
| 3 |
'I'd lay ye saft in beds o down,
Fine flowers in the valley
And watch ye morning, night and noon.'
And the green leaves they grow rarely |
| 4 |
'O mither dear, when we were thine,
Fine flowers in the valley
Ye didna cleed us i the scarlet sae fine.
And the green leaves they grow rarely |
| 5 |
'But ye took out yere little pen-knife,
Fine flowers in the valley
And parted us frae our sweet life.
And the green leaves they grow rarely |
| 6 |
'Ye howkit a hole aneath the moon,
Fine flowers in the valley
And there ye laid our bodies down.
And the green leaves they grow rarely |
| 7 |
'Ye happit the hole wi mossy stanes,
Fine flowers in the valley
And there ye left our wee bit banes.
And the green leaves they grow rarely |
| 8 |
'But ye ken weel, O mither dear,
Fine flowers in the valley
Ye never cam that gate for fear.'
And the green leaves they grow rarely
* * * * * |
| 9 |
'Seven lang years ye'll ring the bell,
Fine flowers in the valley
And see sic sights as ye darna tell.'
And the green leaves they grow rarely |
