| 1 |
She leant her back against a thorn,
Hey for the Rose o' Malindie O
And there she has twa bonnie babes born.
Adoon by the green wood sidie O |
| 2 |
She's taen the ribbon frae her head,
Hey for the Rose o' Malindie O
An hankit their necks till they waur dead.
Adoon by the green wood sidie O |
| 3 |
She luikit outowre her castle wa,
Hey for the Rose o' Malindie O
An saw twa nakit boys, playin at the ba.
Adoon by the green wood sidie O |
| 4 |
'O bonnie boys, waur ye but mine,
Hey for the Rose o' Malindie O
I wald feed ye wi flour-bread an wine.'
Adoon by the green wood sidie O |
| 5 |
'O fause mother, whan we waur thine,
Hey for the Rose o' Malindie O
Ye didna feed us wi flour-bread an wine.'
Adoon by the green wood sidie O |
| 6 |
'O bonnie boys, gif ye waur mine,
Hey for the Rose o' Malindie O
I wald clied ye wi silk sae fine.'
Adoon by the green wood sidie O |
| 7 |
'O fause mother, whan we waur thine,
Hey for the Rose o' Malindie O
You didna clied us in silk sae fine.
Adoon by the green wood sidie O |
| 8 |
'Ye tuik the ribbon aff your head,
Hey for the Rose o' Malindie O
An' hankit our necks till we waur dead.
Adoon by the green wood sidie O
* * * * * |
| 9 |
'Ye sall be seven years bird on the tree,
Hey for the Rose o' Malindie O
Ye sall be seven years fish i the sea.
Adoon by the green wood sidie O |
| 10 |
'Ye sall be seven years eel i the pule,
Hey for the Rose o' Malindie O
An ye sall be seven years doon into hell.'
Adoon by the green wood sidie O |
| 11 |
'Welcome, welcome, bird on the tree,
Hey for the Rose o' Malindie O
Welcome, welcome, fish i the sea.
Adoon by the green wood sidie O |
| 12 |
'Welcome, welcome, eel i the pule,
Hey for the Rose o' Malindie O
But oh for gudesake, keep me frae hell!'
Adoon by the green wood sidie O |
