| 1 |
There wond three ladies in a bower,
Annet and Margret and Marjorie
And they have gane out to pu a flower.
And the dew it lyes on the wood, gay ladie |
| 2 |
They had nae pu'd a flower but ane,
Annet and Margret and Marjorie
When up has started a banished man.
And the dew it lyes on the wood, gay ladie |
| 3 |
He has taen the eldest by the hand,
Annet and Margret and Marjorie
He has turned her about and bade her stand.
And the dew it lyes on the wood, gay ladie |
| 4 |
'Now whether will ye be a banisht man's wife,
Annet and Margret and Marjorie
Or will ye be sticked wi my pen-knife?'
And the dew it lyes on the wood, gay ladie |
| 5 |
'I will na be ca'd a banished man's wife,
Annet and Margret and Marjorie
I'll rather be sticked wi your pen-knife.'
And the dew it lyes on the wood, gay ladie |
| 6 |
And he has taen out his little pen-knife,
Annet and Margret and Marjorie
And frae this lady he has taen the life.
And the dew it lyes on the wood, gay ladie |
| 7 |
He has taen the second by the hand,
Annet and Margret and Marjorie
He has turned her about and he bad her stand.
And the dew it lyes on the wood, gay ladie |
| 8 |
'Now whether will ye be a banisht man's wife,
Annet and Margret and Marjorie
Or will ye be sticked wi my pen-knife?'
And the dew it lyes on the wood, gay ladie |
| 9 |
'I will na be ca'd a banished man's wife;
Annet and Margret and Marjorie
I'll rather be sticked wi your pen-knife.'
And the dew it lyes on the wood, gay ladie |
| 10 |
And he has taen out his little pen-knife,
Annet and Margret and Marjorie
And frae this lady he has taen the life.
And the dew it lyes on the wood, gay ladie |
| 11 |
He has taen the youngest by the hand,
Annet and Margret and Marjorie
He has turned her about and he bad her stand.
And the dew it lyes on the wood, gay ladie |
| 12 |
'Now whether will ye be a banished man's wife,
Annet and Margret and Marjorie
Or will ye be sticked wi my pen-knife?'
And the dew it lyes on the wood, gay ladie |
| 13 |
'I winnae be called a banished man's wife,
Annet and Margret and Marjorie
Nor yet will I be sticked wi your pen-knife.
And the dew it lyes on the wood, gay ladie |
| 14 |
'But gin my three brethren had been here,
Annet and Margret and Marjorie
Ye had nae slain my sisters dear.'
And the dew it lyes on the wood, gay ladie
* * * * * |
