| 1 |
There were three ladies lived in a bower,
Eh vow bonnie
And they went out to pull a flower.
On the bonnie banks o Fordie |
| 2 |
They hadna pu'ed a flower but ane,
Eh vow bonnie
When up started to them a banisht man.
On the bonnie banks o Fordie |
| 3 |
He's taen the first sister by her hand,
Eh vow bonnie
And he's turned her round and made her stand.
On the bonnie banks o Fordie |
| 4 |
'It's whether will ye be a rank robber's wife,
Eh vow bonnie
Or will ye die by my wee pen-knife?'
On the bonnie banks o Fordie |
| 5 |
'It's I'll not be a rank robber's wife,
Eh vow bonnie
But I'll rather die by your wee pen-knife.'
On the bonnie banks o Fordie |
| 6 |
He's killed this may, and he's laid her by,
Eh vow bonnie
For to bear the red rose company.
On the bonnie banks o Fordie |
| 7 |
He's taken the second ane by the hand,
Eh vow bonnie
And he's turned her round and made her stand.
On the bonnie banks o Fordie |
| 8 |
'It's whether will ye be a rank robber's wife,
Eh vow bonnie
Or will ye die by my wee pen-knife?'
On the bonnie banks o Fordie |
| 9 |
'I'll not be a rank robber's wife,
Eh vow bonnie
But I'll rather die by your wee pen-knife.'
On the bonnie banks o Fordie |
| 10 |
He's killed this may, and he's laid her by,
Eh vow bonnie
For to bear the red rose company.
On the bonnie banks o Fordie |
| 11 |
He's taken the youngest ane by the hand,
Eh vow bonnie
And he's turned her round and made her stand.
On the bonnie banks o Fordie |
| 12 |
Says, 'Will ye be a rank robber's wife,
Eh vow bonnie
Or will ye die by my wee pen-knife?'
On the bonnie banks o Fordie |
| 13 |
'I'll not be a rank robber's wife,
Eh vow bonnie
Nor will I die by your wee pen-knife.
On the bonnie banks o Fordie |
| 14 |
'For I hae a brother in this wood,
Eh vow bonnie
And gin ye kill me, it's he'll kill thee.'
On the bonnie banks o Fordie |
| 15 |
'What's thy brother's name? come tell to me.'
Eh vow bonnie
'My brother's name is Baby Lon.'
On the bonnie banks o Fordie |
| 16 |
'O sister, sister, what have I done!
Eh vow bonnie
O have I done this ill to thee!
On the bonnie banks o Fordie |
| 17 |
'O since I've done this evil deed,
Eh vow bonnie
Good sall never be seen o me.'
On the bonnie banks o Fordie |
| 18 |
He's taken out his wee pen-knife,
Eh vow bonnie
And he's twyned himsel o his ain sweet life.
On the bonnie banks o Fordie |
