[Pinkerton's] Scottish Tragic Ballads, p. 72.
| 1 |
There were twa sisters livd in a bouir,
Binnorie, O Binnorie
Their father was a baron of pouir.
By the bonnie mildams of Binnorie |
| 2 |
The youngest was meek, and fair as the may
Binnorie, O Binnorie
Whan she springs in the east wi the gowden day.
By the bonnie mildams of Binnorie |
| 3 |
The eldest austerne as the winter cauld,
Binnorie, O Binnorie
Ferce was her saul, and her seiming was bauld.
By the bonnie mildams of Binnorie |
| 4 |
A gallant squire can sweet Isabel to wooe;
Binnorie, O Binnorie
Her sister had naething to luve I trow.
By the bonnie mildams of Binnorie |
| 5 |
But filld was she wi dolour and ire,
Binnorie, O Binnorie
To see that to her the comlie squire
By the bonnie mildams of Binnorie |
| 6 |
Preferd the debonair Isabel:
Binnorie, O Binnorie
Their hevin of luve of spyte was her hell.
By the bonnie mildams of Binnorie |
| 7 |
Till ae ein she to her sister can say,
Binnorie, O Binnorie
'Sweit sister, cum let us wauk and play.'
By the bonnie mildams of Binnorie |
| 8 |
They wauked up, and they wauked down,
Binnorie, O Binnorie
Sweit sang the birdis in the vallie loun.
By the bonnie mildams of Binnorie |
| 9 |
Whan they cam to the roaring lin,
Binnorie, O Binnorie
She drave unweiting Isabel in.
By the bonnie mildams of Binnorie |
| 10 |
'O sister, sister, tak my hand,
Binnorie, O Binnorie
And ye sall hae my silver fan.
By the bonnie mildams of Binnorie |
| 11 |
'O sister, sister, tak my middle,
Binnorie, O Binnorie
And ye sall hae my gowden girdle.'
By the bonnie mildams of Binnorie |
| 12 |
Sumtimes she sank, sumtimes she swam,
Binnorie, O Binnorie
Till she cam to the miller's dam.
By the bonnie mildams of Binnorie |
| 13 |
The miller's dochtor was out that ein,
Binnorie, O Binnorie
And saw her rowing down the streim.
By the bonnie mildams of Binnorie |
| 14 |
'O father deir, in your mil-dam
Binnorie, O Binnorie
There is either a lady or a milk-white swan!'
By the bonnie mildams of Binnorie |
| 15 |
Twa days were gane, whan to her deir
Binnorie, O Binnorie
Her wraith at deid of nicht cold appeir.
By the bonnie mildams of Binnorie |
| 16 |
'My luve, my deir, how can ye sleip,
Binnorie, O Binnorie
Whan your Isabel lyes in the deip!
By the bonnie mildams of Binnorie |
| 17 |
'My deir, how can ye sleip bot pain
Binnorie, O Binnorie
Whan she by her cruel sister is slain!'
By the bonnie mildams of Binnorie |
| 18 |
Up raise he sune, in frichtfu mude:
Binnorie, O Binnorie
'Busk ye, my meiny, and seik the flude.'
By the bonnie mildams of Binnorie |
| 19 |
They socht her up and they socht her doun,
Binnorie, O Binnorie
And spyd at last her glisterin gown.
By the bonnie mildams of Binnorie |
| 20 |
They raisd her wi richt meidle care;
Binnorie, O Binnorie
Pale was her cheik and grein was her hair.
By the bonnie mildams of Binnorie |
