Campbell Manuscripts, II, 32.
| 1 |
Did you ever hear of good Earl Brand,
Aye lally an lilly lally
And the king's daughter of fair Scotland?
And the braw knights o Airly |
| 2 |
She was scarce fifteen years of age
Aye lally an lilly lally
When she came to Earl Brand's bed.
Wi the braw knights o Airly |
| 3 |
'O Earl Brand, I fain wad see
Aye lally an lilly lally
Our grey hounds run over the lea.'
Mang the braw bents o Airly |
| 4 |
'O,' says Earl Brand, 'I've nae steads but one,
Aye lally an lilly lally
And you shall ride and I shall run.'
Oer the braw heights o Airly |
| 5 |
'O,' says the lady, 'I hae three,
Aye lally an lilly lally
And ye shall hae yeer choice for me.'
Of the braw steeds o Airly |
| 6 |
So they lap on, and on they rade,
Aye lally an lilly lally
Till they came to auld Carle Hood.
Oer the braw hills o Airly |
| 7 |
Carl Hood's aye for ill, and he's no for good,
Aye lally an lilly lally
He's aye for ill, and he's no for good.
Mang the braw hills o Airly |
| 8 |
'Where hae ye been hunting a' day,
Aye lally an lilly lally
And where have ye stolen this fair may?'
I' the braw nights sae airly |
| 9 |
'She is my sick sister dear,
Aye lally an lilly lally
New comd home from another sister.'
I the braw nights sae early |
| 10 |
'O,' says the lady, 'if ye love me,
Aye lally an lilly lally
Gie him a penny fee and let him gae.'
I the braw nights sae early |
| 11 |
He's gane home to her father's bower,
Aye lally an lilly lally
. . . . . .
I the braw nights sae early |
| 12 |
'Where is the lady o this ha?'
Aye lally an lilly lally
'She's out wi the young maids, playing at the ba.'
I the braw nights sae early |
| 13 |
'No,' says another, 'She's riding oer the moor,
Aye lally an lilly lally
And a' to be Earl Brand's whore.'
I the braw nights sae early |
| 14 |
The king mounted fifteen weel armed men,
Aye lally an lilly lally
A' to get Earl Brand taen.
I the braw nights sae early |
| 15 |
The lady looked over her white horse mane:
Aye lally an lilly lally
'O Earl Brand, we will be taen.'
In the braw hills so early |
| 16 |
He says, If they come one by one,
Aye lally an lilly lally
Ye'll no see me so soon taen.
In the braw hills so early |
| 17 |
So they came every one but one,
Aye lally an lilly lally
And he has killd them a' but ane.
In the braw hills so early |
| 18 |
And that one came behind his back,
Aye lally an lilly lally
And gave Earl Brand a deadly stroke.
In the braw hills so early |
| 19 |
For as sair wounded as he was,
Aye lally an lilly lally
He lifted the lady on her horse.
In the braw nights sae early |
| 20 |
'O Earl Brand, I see thy heart's bluid!'
Aye lally an lilly lally
'It's but the shadow of my scarlet robe.'
I the braw nights sae early |
| 21 |
He came to his mother's home;
Aye lally an lilly lally
. . .
I the braw nights sae early |
| 22 |
She looked out and cryd her son was gone,
Aye lally an lilly lally
And a' for the sake [of] an English loon.
I the braw nights sae early |
| 23 |
'What will I do wi your lady fair?'
Aye lally an lilly lally
'Marry her to my eldest brother.'
I the braw nights sae early |
