Motherwell's Manuscript, p. 103. From the recitation of John
McWhinnie, collier, Newtown Green, Ayr.
| 1 |
A lady wonned on yonder hill,
Hee ba and balou ba
And she had musick at her will.
And the wind has blown my plaid awa |
| 2 |
Up and cam an auld, auld man,
Hee ba and balou ba
Wi his blue bonnet in his han.
And the wind has blown my plaid awa |
| 3 |
'I will ask ye questions three;
Hee ba and balou ba
Resolve them, or ye'll gang wi me.
And the wind has blown my plaid awa |
| 4 |
'Ye maun mak to me a sark,
Hee ba and balou ba
It maun be free o woman's wark.
And the wind has blown my plaid awa |
| 5 |
'Ye maun shape it knife- sheerless,
Hee ba and balou ba
And ye maun sew it needle- threedless.
And the wind has blown my plaid awa |
| 6 |
'Ye maun wash it in yonder well,
Hee ba and balou ba
Whare rain nor dew has ever fell.
And the wind has blown my plaid awa |
| 7 |
'Ye maun dry it on yonder thorn,
Hee ba and balou ba
Where leaf neer grew since man was born.'
And the wind has blown my plaid awa |
| 8 |
'I will ask ye questions three;
Hee ba and balou ba
Resolve them, or ye'll neer get me.
And the wind has blown my plaid awa |
| 9 |
'I hae a rig o bonnie land
Hee ba and balou ba
Atween the saut sea and the sand.
And the wind has blown my plaid awa |
| 10 |
'Ye maun plow it wi ae horse bane,
Hee ba and balou ba
And harrow it wi ae harrow pin.
And the wind has blown my plaid awa |
| 11 |
'Ye maun shear't wi a whang o leather,
Hee ba and balou ba
And ye maun bind 't bot strap or tether.
And the wind has blown my plaid awa |
| 12 |
'Ye maun stack it in the sea,
Hee ba and balou ba
And bring the stale hame dry to me.
And the wind has blown my plaid awa |
| 13 |
'Ye maun mak a cart o stane,
Hee ba and balou ba
And yoke the wren and bring it hame.
And the wind has blown my plaid awa |
| 14 |
'Ye maun thresh't atween your lufes,
Hee ba and balou ba
And ye maun sack 't atween your thies.'
And the wind has blown my plaid awa |
| 15 |
'My curse on those wha learnëd thee;
Hee ba and balou ba
This night I weend ye'd gane wi me.'
And the wind has blown my plaid awa |
