From a manuscript among C.K. Sharpe's relics,
having 1819 in the water-mark; in two hands,
sts. 1-6, 8, 91 in one, 7 (inserted in the margin)
and the rest in another.
| 1 |
'As I cam in by honey Glassgow town,
The Highland troops were a' before me,
And the bon[ey]est lass that ere I saw,
She lives in Glassgow, tha ca her Peggy. |
| 2 |
'I wad gie my boney black horse,
So wad I my good gray nagie,
If I were a hundred miles in the North,
And nan wee me but my boney Peggy.' |
| 3 |
Up then spoke her father dear,
Dear vow! but he was wondrous sorey;
'Weel may yea steel a cow or a ewe,
But ye darna steel my boney Peggy.' |
| 4 |
Up then spoke her mother dear,
Dear vow! but she spoke wondrious sorey;
'Now, since I've brought ye up this length,
Wod ye gang awa wee a Highland fellow?' |
| 5 |
He set her on his boney black horse,
He set himsel on his good gray nagy;
They have riden over hill[s] and dales,
Now he is awa wee his boney Peggy. |
| 6 |
They are riden or hills and dales,
They have riden or mountains maney,
Untill that thay com to a low, low glen,
And there he's lain down wee his boney Peggy. |
| 7 |
Up then spoke the Earll o Argyle,
Dear vow! bet he spoke wondrous sorry;
'The bonniest lass in a' Scotland
Is af an awa wi [a] Highland fellow!' |
| 8 |
There bed was of the boney green grass,
There blankets was o the hay sa boney;
He falded his philabeg below her head,
Now he's lawing down wee his boney Peggy. |
| 9 |
Up then spoke the boney Lawland lass,
And oh, but she spoke wondrous sorry;
'A's warrnant my mother would hae a gae soir heart
To see me lian here wi you, my Willie!' |
| 10 |
'In my father's house there's featherbeds,
Feather-beds an blankets many;
The're a' mine, an the'll shoon be thine,
An what needs your mother be sae sorry, Peggie? |
| 11 |
'Dinna you see yon nine score o kye,
Feeling on yon hill sae boney?
The're a' mine, an the'll shoon be thine,
An what needs your mother be sorry, |
| 12 |
'Dinna you see yon nine score o sheep,
Feeding on yon brae sae bonny?
The're a' mine, an the'll shoon be thine,
An what needs your mother be sorry for you? |
| 13 |
'Dinna you see yon bonny white house,
Shining on yon brae sae bonny?
An I am the earl o the Isle o Sky,
And surely nay Peggie will be calle[d] a lady.' |
