'Clide's Water,' The Old Lady's Collection,
Manuscript, No. 11.
| 1 |
'Ye gie corn to my hors,
An meatt to my man,
For I will gai to my true-love's gates
This night, gin I can wine.' |
| 2 |
'O stay att home, my son Willie,
This a bare night we me;
The best bed in a' my house
Sail be well made to the.' |
| 3 |
'I care na for your beds, nrider,
I care na a pin;
For I ill gae to my love's gates
This night, gin I can wine.' |
| 4 |
'O stay, my son Willie,
This night we me;
The best hen in a' mey reast
Sail be well made ready for the.' |
| 5 |
'I care na for your beans, midder,
I care na a pin;
For I ull gae to my love's gates
This night, gin I can wine.' |
| 6 |
'Gin ye winne stay, my son Willie,
This a bare nigbt we me,
Gin Claid's water be dip an fue of find,
My malicen droun ye in.' |
| 7 |
He road up yon high hill,
An doun yon doue den;
The roring of Clid's water
Wod ha flied ten thousand men. |
| 8 |
'O spair me, Claid's water,
Spare me as I gaa!
Make me yer wrak as I come back,
Bat spare me as I gaa!' |
| 9 |
He raid in, an forder in,
Till he came to the chin;
An he raid in, an forder in,
Till he came to dray lan. |
| `0 |
An fan he came to his love's gates
He tirled att the pin:
'Open yer gates, May Meggie,
Open yer gates to me,
For my bets is fne of Claid's water,
An the rain rius our my chine.' |
| 11 |
'I ha ne loves therout,' she says,
'I baa ne love theren;
My true-love is in my arms tua,
An nean will I latt in.' |
| 12 |
'Open yer gates, Meggie,
This night to me,
For Clide's water is full of flood,
An my mider's mallison will droun me in.' |
| 13 |
'An of my chambers is full of corn,' she says,
'Anether is full of hay,
The other is full of gentelmen,
An they winne remove till day.' |
| 14 |
Out waked her May Meggie,
Out of her drussie dream:
'I dreamed a dream nou san the streen,
God read a' dreams to gued!
That my true-love Willie
Was stalling att my bed-feet.' |
| 15 |
'Nou lay still, my a dather,
An keep my back fraa the call;
It's na the space of haf an hour
Sayn he gade fra your hall.' |
| 16 |
'Hey, Willie! an hou, Willie!
An Willie, winne ye turn agen? '
But ay the louder that she crayed
He read agenst the wind. |
| 17 |
He raid up yon high hill,
An doun yon done den,
An the roring that was in Clid's water
Wad ha fleed ten thousand men. |
| 18 |
He raid in
Tell he came to the chine,
An he raid forder in,
Bat never mare came out agen. |
| 19 |
She sought him up, she sought him doun,
She sought him braid an narrou;
In the depest pot in a' Claid's water,
Ther she gat Suit Willie. |
| 20 |
She has kissed his comly mouth,
As she had den afore:
'Baith our midders sail be alike sorry,
For we's bath slipe soun in Clide's water.' |
| 21 |
Ther was na mare seen of that gued lord
Bat his hat frae his head;
There was na mare seen of that gued lady
Bat her keem an her sneed. |
| 22 |
Ther mideers went up an doun the water,
Saying, Clayd's water din us wrong! |
