| 1 |
The minister's daughter of New York,
Hey wi the rose and the lindie, O
Has faen in love wi her father's clerk.
Alone by the green burn sidie, O |
| 2 |
She courted him six years and a day,
Hey wi the rose and the lindie, O
At length her belly did her betray.
Alone by the green burn sidie, O |
| 3 |
She did her down to the greenwood gang,
Hey wi the rose and the lindie, O
To spend awa a while o her time.
Alone by the green burn sidie, O |
| 4 |
She lent her back unto a thorn,
Hey wi the rose and the lindie, O
And she's got her twa bonny boys born.
Alone by the green burn sidie, O |
| 5 |
She's taen the ribbons frae her hair,
Hey wi the rose and the lindie, O
Bound their bodyes fast and sair.
Alone by the green burn sidie, O |
| 6 |
She's put them aneath a marble stane,
Hey wi the rose and the lindie, O
Thinking a maiden to gae hame.
Alone by the green burn sidie, O |
| 7 |
Looking oer her castle wa,
Hey wi the rose and the lindie, O
She spied her bonny boys at the ba.
Alone by the green burn sidie, O |
| 8 |
'O bonny babies, if ye were mine,
Hey wi the rose and the lindie, O
I woud feed you with the white bread and wine.
Alone by the green burn sidie, O |
| 9 |
'I woud feed you wi the ferra cow's milk,
Hey wi the rose and the lindie, O
And dress you in the finest silk.'
Alone by the green burn sidie, O |
| 10 |
'O cruel mother, when we were thine,
Hey wi the rose and the lindie, O
We saw none of your bread and wine.
Alone by the green burn sidie, O |
| 11 |
'We saw none of your ferra cow's milk,
Hey wi the rose and the lindie, O
Nor wore we of your finest silk.'
Alone by the green burn sidie, O |
| 12 |
'O bonny babies, can ye tell me,
Hey wi the rose and the lindie, O
What sort of death for you I must die?'
Alone by the green burn sidie, O |
| 13 |
'Yes, cruel mother, we'll tell to thee,
Hey wi the rose and the lindie, O
What sort of death for us you must die.
Alone by the green burn sidie, O |
| 14 |
'Seven years a fowl in the woods,
Hey wi the rose and the lindie, O
Seven years a fish in the floods.
Alone by the green burn sidie, O |
| 15 |
'Seven years to be a church bell,
Hey wi the rose and the lindie, O
Seven years a porter in hell.'
Alone by the green burn sidie, O |
| 16 |
'Welcome, welcome, fowl in the wood[s],
Hey wi the rose and the lindie, O
Welcome, welcome, fish in the flood[s].
Alone by the green burn sidie, O |
| 17 |
'Welcome, welcome, to be a church bell,
Hey wi the rose and the lindie, O
But heavens keep me out of hell.'
Alone by the green burn sidie, O |
