Kinloch's A. S. Ballads, p. 145. From the recitation of
M. Kinnear, a native of Mearnsshire, 23 Aug., 1826.
| 1 |
There stands a knicht at the tap o yon hill,
Oure the hills and far awa
He has blawn his horn loud and shill.
The cauld wind's blawn my plaid awa |
| 2 |
'If I had the horn that I hear blawn,
Oure the hills and far awa
And the knicht that blaws that horn!'
The cauld wind's blawn my plaid awa |
| 3 |
She had na sooner thae words said,
Oure the hills and far awa
Than the elfin knicht cam to her side.
The cauld wind's blawn my plaid awa |
| 4 |
'Are na ye oure young a may
Oure the hills and far awa
Wi onie young man doun to lie?'
The cauld wind's blawn my plaid awa |
| 5 |
'I have a sister younger than I,
Oure the hills and far awa
And she was married yesterday.'
The cauld wind's blawn my plaid awa |
| 6 |
'Married wi me ye sall neer be nane
Oure the hills and far awa
Till ye mak to me a sark but a seam.
The cauld wind's blawn my plaid awa |
| 7 |
'And ye maun shape it knife-,sheer-less,
Oure the hills and far awa
And ye maun sew it needle-, threed-less.
The cauld wind's blawn my plaid awa |
| 8 |
'And ye maun wash it in yon cistran,
Oure the hills and far awa
Whare water never stood nor ran.
The cauld wind's blawn my plaid awa |
| 9 |
'And ye maun dry it on yon hawthorn,
Oure the hills and far awa
Whare the sun neer shon sin man was born.'
The cauld wind's blawn my plaid awa |
| 10 |
'Gin that courtesie I do for thee,
Oure the hills and far awa
Ye maun do this for me.
The cauld wind's blawn my plaid awa |
| 11 |
'Ye'll get an acre o gude red-land
Oure the hills and far awa
Atween the saut sea and the sand.
The cauld wind's blawn my plaid awa |
| 12 |
'I want that land for to be corn,
Oure the hills and far awa
And ye maun aer it wi your horn.
The cauld wind's blawn my plaid awa |
| 13 |
'And ye maun saw it without a seed,
Oure the hills and far awa
And ye maun harrow it wi a threed.
The cauld wind's blawn my plaid awa |
| 14 |
'And ye maun shear it wi your knife,
Oure the hills and far awa
And na tyne a pickle o't for your life.
The cauld wind's blawn my plaid awa |
| 15 |
'And ye maun moue it in yon mouse-hole
Oure the hills and far awa
And ye maun thrash it in your shoe-sole.
The cauld wind's blawn my plaid awa |
| 16 |
'And ye maun fan it wi your luves,
Oure the hills and far awa
And ye maun sack it in your gloves.
The cauld wind's blawn my plaid awa |
| 17 |
'And ye maun bring it oure the sea,
Oure the hills and far awa
Fair and clean and dry to me.
The cauld wind's blawn my plaid awa |
| 18 |
'And whan that your wark is weill deen,
Oure the hills and far awa
Yese get your sark without a seam.'
The cauld wind's blawn my plaid awa |
